தர்மபுரி, நவ.12: தர்மபுரி டீச்சர்ஸ் காலனி பகுதியை சேர்ந்தவர் சீதாபதி (50). இவர் டாக்டராக பணியாற்றி வருகிறார். இவர் தனது காரை வீட்டின் முன்பு நிறுத்தியிருந்தார். இக்கார் பெட்ரோல் மற்றும் காஸ் மூலம் இயக்கப்படுகிறது. நேற்று காலை வழக்கம்போல் காரை சீதாபதி இயக்க முயன்றார். அப்போது திடீரென காரின் முன்பகுதியில் இருந்து புகை வந்துள்ளது. அதிர்ச்சியடைந்த சீதாபதி, உடனடியாக காரை விட்டு கீழே இறங்கினார். பின்னர் சிறிது நேரத்திலேயே கார் தீப்பற்றி எரியத் தொடங்கியது. இதுபற்றி தீயணைப்பு துறையினருக்கு தகவல் தெரிவிக்கப்பட்டது. அதன்பேரில் விரைந்து வந்து தீயை அனைத்தனர். ஆனாலும் விபத்தில் கார் முழுவதும் எரிந்து நாசமானது.

The post டாக்டர் காரில் பற்றி எரிந்த தீ appeared first on Dinakaran.