சென்னை: டிஎன்பிஎஸ்சி தேர்வுக் கட்டுப்பாட்டு அலுவலர் ஸ்ரீவெங்கட பிரியா வெளியிட்ட அறிவிப்பு: டிஎன்பிஎஸ்சியால் அறிவிக்கப்பட்ட துறைத் தேர்வுகள் கடந் 22.5.2026 முதல் 2.6.2026 வரை (27.5.2026 முதல் 29.5.2026 வரை நீங்கலாக) மற்றும் 21.6.2026 அன்றும் நடைபெற்ற கொள்குறிவகை, விரிந்துரைக்கும் வகை, கொள்குறிவகை மற்றும் விரிந்துரைக்கும் வகையிலான தேர்வு அமைப்பு முறையில் சென்னை, டெல்லி உள்பட 39 மாவட்ட தேர்வு மையங்களில் நடந்தன.
இத்தேர்வின் கொள்குறிவகை தேர்வுகளின் உத்தேச விடைகள் குறிக்கப்பட்ட வினாத்தாள் (தேர்வுக் குறியீடு 006 நீங்கலாக) மற்றும் விரிந்துரைக்கும் வகையிலான தேர்வுகளின் வினாத்தாள் ஆகியன தேர்வாணைய இணையதளத்தில் கடந்த 21ம் தேதி வெளியிடப்பட்டது. தேர்வுக் குறியீடு 006 கொள்குறிவகை தேர்வின் உத்தேச விடைகள் குறிக்கப்பட்ட வினாத்தாள் தேர்வாணைய இணையதளத்தில் வெளியிடப்பட்டுள்ளது.
இத்துறை தேர்வெழுதிய தேர்வர்கள் (தேர்வு குறியீடு 006) விண்ணப்பதாரர்கள் தேர்வின் உத்தேச விடைகளை தேர்வாணைய இணையதளத்தில் சரிபார்த்துக் கொள்ளலாம். உத்தேச விடைகள் மீது மறுப்பு ஏதேனும் இருப்பின் தேர்வாணைய இணையதளத்தில் வெளியிடப்பட்ட ஒரு வார கால அவகாசத்திற்குள் அதாவது 31ம் தேதி (இன்று) முதல் வரும் 6ம் தேதி மாலை 5.45 மணிவரை, விண்ணப்பதாரர்கள் அவர்தம் தேர்வு நுழைவுச் சீட்டு நகல், பதிவு எண், தேர்வின் பெயர், தேர்வு குறியீட்டு எண், வினா எண், அவ்வினாவின் உத்தேச விடை, அவ்வினாவிற்கு விண்ணப்பதாரர் கூறும் விடை மற்றும் அதற்கான ஆதாரங்கள் அடங்கிய தகவல்களை தெளிவாக குறிப்பிட்டு tnpsc.qdd@gmail.com என்ற மின்னஞ்சல் முகவரி மூலமாக தங்களுடைய மறுப்பு தகவல் மனுக்களை அனுப்பலாம்.
