கிளாஸ்கோ: 23வது காமன்வெல்த் விளையாட்டு போட்டிகள் ஸ்காட்லாந்தின் கிளாஸ்கோ நகரில் நடைபெற்று வருகிறது. இதில் 2வது நாளில் இந்தியாவுக்கு வெண்கல பதக்கம் கிடைத்த நிலையில் 3வதுநாளாக நேற்று குத்துச்சண்டை மற்றும் லான் பவுல்ஸ் போட்டிகளில் இந்தியா சிறப்பான வெற்றிகளைப் பதிவு செய்த நிலையில், நீச்சல் மற்றும் வீல்சேர் கூடைப்பந்து போட்டிகளில் ஏமாற்றம் மிஞ்சியது. குத்துச்சண்டையில் ஆண்களுக்கான 60 கிலோ எடைப்பிரிவின் ரவுன்ட் 32ல் சச்சின் சிவாச் கனடாவின் கியோமா அல்-அஹ்மதியாவை 4-1 என்ற கணக்கில் வீழ்த்தி ரவுன்ட் 16க்கு தகுதி பெற்றார். லான் பவுல்ஸ் இரட்டையர் பிரிவில் இந்தியாவின் ரூபா ராணி டிர்கி மற்றும் பிங்கி சிங் ஜோடி, டோங்கா அணியை டை-பிரேக்கரில் வீழ்த்தி, அரையிறுதி வாய்ப்பை பிரகாசப்படுத்திக் கொண்டது.
ஜிம்னாஸ்டிக்கில் பிரனதி நாயக், நிஷ்கா அகர்வால், எஷிதா ரேவாலே மற்றும் பிரதிஷ்டா சமந்தா ஆகியோர் அடங்கிய இந்திய மகளிர் அணி 123.000 புள்ளிகளுடன் 5வது இடத்தை பிடித்தது. இருப்பினும், வால்ட் பிரிவில் பிரதிஷ்டா சமந்தா இறுதிப்போட்டிக்குத் தகுதி பெற்று பதக்க வாய்ப்பை ஏற்படுத்தியுள்ளார்.
ஆண்கள் 400 மீட்டர் ஃப்ரீஸ்டைல் போட்டியில் இந்திய நீச்சல் வீரர்கள் ஆர்யன் நெஹ்ரா (ஹீட்ஸ் 4-ல் 8வது இடம்) மற்றும் தக்ஷன் சசிகுமார் (ஹீட்ஸ் 3-ல் 7வது இடம்) ஆகியோர் இறுதிப்போட்டிக்கு தகுதிபெறும் வாய்ப்பை இழந்து வெளியேறினர். 4வதுநாளான இன்று பளுதூக்குதலில் மகளிருக்கான 48 கிலோ எடைப்பிரிவு இந்தியாவின் மீராபாய் சானு களம் இறங்குகிறார். கடந்த 2022ம் ஆண்டு காமன்வெல்த் போட்டியில் தங்கம் வென்ற அவர் இந்த முறையும் தங்கம் வெல்வாரா என்ற எதிர்பார்ப்பு உள்ளது. இவை தவிர ஆடவர் 60 கிலோ பிரிவில் ரிஷிகாந்தா சிங், 65 கிலோ பிரிவில் ராஜாமுத்துப்பாண்டி ஆகியோரும் இன்று களம்இறங்குகின்றனர்.
இன்று இந்தியா பங்கேற்கும் போட்டிகள்
பளுதூக்குதல் பதக்கப் போட்டி
* மாலை 6.45 : மகளிருக்கான 48 கிலோ எடைப்பிரிவு இறுதிப்போட்டி: மீராபாய் சானு
* இரவு 11.15 : ஆண்களுக்கான 6 5 கிலோ எடைப்பிரிவு இறுதிப்போட்டி: ராஜா முத்துபாண்டி
குத்துச்சண்டை ரவுன்ட் ஆப் 16
* இரவு 10.45 : மகளிர் 54 கிலோ பிரிவு-பிரீத்தி பவார் vs டெபோரா டென்ஜே (மலாவி)
* இரவு 11.45 :ஆண்கள் 55 கிலோ பிரிவு- ஜேடுமணி சிங் vs சுமாமா ரஹ்மான் (பாகிஸ்தான்)
* நள்ளிரவு 12.45 : ஆண்கள் 65 கிலோ பிரிவு- ஆதித்யா பிரதாப் யாதவ் vs நுஹு பட்டே (உகாண்டா)
கலைநய ஜிம்னாஸ்டிக்ஸ் பதக்க போட்டி
* மாலை 4.30 : ஆண்கள் ஆல்-அரவுண்ட் இறுதிப்போட்டி- யோகேஷ்வர் சிங் மற்றும் தபன் மொகந்தி
நீச்சல்
மாலை 4.39 : ஆண்கள் 4×200 மீட்டர் ஃப்ரீஸ்டைல் ரிலே (ஹீட்ஸ்)- ஹரி நடராஜ், ஆர்யன் நெஹ்ரா, அனீஷ் கௌடா, தக்ஷன் சசிகுமார்
நள்ளிரவு 1.56: (தகுதி பெற்றால்) – 4×200 மீட்டர் ஃப்ரீஸ்டைல் ரிலே இறுதிப்போட்டி
லான் பவுல்ஸ்
மதியம் 1.00 : மகளிர் இரட்டையர் பிரிவு- ரூபா ராணி டிர்கி, பிங்கி சிங் vs நமீபியா.
இரவு 7.15 : ஆண்கள் ஒற்றையர் பிரிவு-புதுல் சோனோவால் vs ஷான் ஜேம்ஸ் (மால்டா).
இரவு 10.05: மகளிர் இரட்டையர் பிரிவு- ரூபா ராணி டிர்கி, பிங்கி சிங் vs இங்கிலாந்து