திருவெறும்பூர், ஜூலை 18: திருவெறும்பூர் அருகே உள்ள பெல் சமுதாய கூடத்தில் குறுவட்ட அளவிலான சதுரங்கப் போட்டி நடைபெற்றது. பள்ளி மாணவ மாணவிகளின் விளையாட்டுத் திறனை அதிகரிக்கும் வகையில் தமிழக முழுவதும் மாணவ மாணவிகளுக்கான பல்வேறு விளையாட்டு போட்டிகள் நடத்தப்பட்டு வருகின்றன. இதன் ஒரு பகுதியாக திருவெறும்பூர் அருகே உள்ள பெல் சமுதாயக்கூடத்தில் அரசு மற்றும் தனியார் பள்ளிகளின் மாணவ மாணவிகளுக்கு திருவெறும்பூர் குறு வட்ட அளவிலான சதுரங்கப் போட்டி நடைபெற்று வருகிறது.
இந்த போட்டியில் 11, 14, 17, 19 வயதுக்கு உட்பட்ட அரசு மற்றும் தனியார் பள்ளி மாணவ- மாணவிகள் 272 பேர் கலந்து கொண்டனர். இந்த போட்டியில் வெற்றி பெறும் மாணவ மாணவிகள் அடுத்த கட்டமாக மாவட்ட அளவில் நடைபெறும் போட்டியில் கலந்து கொள்வார்கள். மாவட்ட அளவில் வெற்றி பெற்றவர்கள் மாநில அளவில் நடைபெறும் சதுரங்க போட்டியில் கலந்து கொள்வார்கள். போட்டியின் இறுதியில் மொத்தம் 24 பேர் மாவட்ட அளவில் போட்டியிட தகுதி பெற்றவர்கள் என்று கூறினார்கள்.
