* இந்தியா இலங்கை யு19 அணிகள் மோதும் முதலாவது இளைஞர் டெஸ்ட் போட்டி (4 நாள் ஆட்டம்) காலே சர்வதேச அரங்கில் இன்று காலை 10.00 மணிக்கு தொடங்குகிறது.
* டெஸ்ட் போட்டிகளுக்கான இங்கிலாந்து ஆண்கள் அணியின் தலைமை பயிற்சியாளர் பதவியில் இருந்து பிரெண்டன் மெக்கல்லம் அதிரடியாக நீக்கப்பட்டுள்ளார். 2027 ஆஷஸ் தொடருக்கு தயாராகும் வகையில் புதிய பயிற்சியாளரை நியமிக்க இங்கிலாந்து கிரிக்கெட் வாரியம் முடிவு செய்துள்ளது. எனினும், ஒருநாள் போட்டி மற்றும் டி20ல் இங்கிலாந்து அணியின் பயிற்சியாளராக மெக்கல்லம் நீடிக்கிறார்.
* ஜிம்பாப்வே டி20 தொடருக்கான இந்திய அணியில், காயம் காரணமாக விலகிய வருண் சக்ரவர்த்திக்கு பதிலாக ரவி பிஷ்னோய் சேர்க்கப்பட்டுள்ளார். ஜிம்பாப்வே செல்லும் இந்திய அணி 3 டி20 போட்டிகளில் விளையாட உள்ளது. இப்போட்டிகள் ஹராரே ஸ்போர்ட்ஸ் கிளப் மைதானத்தில் ஜூலை 23, 25, 26 தேதிகளில் நடைபெற உள்ளன.
* இந்திய கிரிக்கெட் அணி முன்னாள் கேப்டன் சவுரவ் கங்குலி, தென் ஆப்ரிக்க முன்னாள் நட்சத்திரம் கெவின் பீட்டர்சன், இந்திய மகளிர் அணி முன்னாள்வீராங்கனை அஞ்சும் சோப்ரா ஆகியோர் ஐசிசி ஹால் ஆப் ஃபேம் பிரபலமாக அங்கீகரிக்கப்பட்டுள்ளனர். இதற்கான விழா எடின்பர்கில் விமரிசையாக நடைபெற்றது. இதைத் தொடர்ந்து ஹால் ஆப் ஃபேம் அந்தஸ்து வழங்கி கவுரவிக்கப்பட்டவர்களின் எண்ணிக்கை 125 ஆக அதிகரித்துள்ளது.
* டெஸ்ட், ஒருநாள் போட்டிகளில் அறிமுகமாகாமல் அதிக சர்வதேச டி20 போட்டிகளில் மட்டும் விளையாடிய வீரர்கள் பட்டியலில் இந்தியாவின் அபிஷேக் ஷர்மா முதலிடம் பிடித்துள்ளார். இங்கிலாந்துக்கு எதிரான 5வது டி20 அவரது 53வது சர்வதேச டி20 போட்டியாகும். வெஸ்ட் இண்டீஸ் முன்னாள் ஸ்பின்னர் சாமுவேல் பத்ரீ 52 டி20ல் விளையாடியதே முந்தய சாதனையாகும்.
