சென்னை: பேன்சி எண் பெற தலைமைச் செயலகம் வர தேவையில்லை. ஆன்லைன் மூலமே விண்ணப்பிக்கலாம் என போக்குவரத்து துறை அமைச்சர் அலுவலகம் அறிவித்துள்ளது. பேன்சி எண் பெறுவதற்கான விண்ணப்பங்கள் நேரடியாக போக்குவரத்து துறை அமைச்சரிடம் மட்டுமே வழங்கப்பட வேண்டும் என்ற நடவடிக்கை சில நாட்களாக பின்பற்றப்பட்டது. இதனால் பல்வேறு மாவட்டங்களில் இருந்து வரும் வாகன உரிமையாளர்கள் காலையிலேயே தலைமைச் செயலகம் வரவேண்டிய சூழல் ஏற்பட்டுள்ளது.

இந்நிலையில் இனி யாரும் பேன்சி எண் பெற தலைமை செயலகத்திற்கு நேரில் வர தேவையில்லை என போக்குவரத்து துறை அமைச்சர் அலுவலகம் அறிவித்துள்ளது. பேன்சி எண் பெற, விலைப்பட்டியல் நகல், ஆதார் அட்டை நகல் (அ) வாக்காளர் அடையான அட்டை நகல், பதிவு சான்றிதழ் நகல் உள்ளிட்ட விண்ணப்பத்துடன் இணைக்க வேண்டிய ஆவணங்களாகும். விண்ணப்பதாரர் பூர்த்தி செய்யப்பட்ட விண்ணப்பப் படிவத்தையும், தேவையான ஆவணங்களையும் hometransport6@gmail.com. என்ற மின்னஞ்சல் முகவரிக்கு அனுப்பலாம்.