சென்னை: தங்கம் விலை நேற்று காலை கிராமுக்கு ரூ.30 உயர்ந்து, ஒரு கிராம் ரூ.14,060க்கும், பவுனுக்கு ரூ.240 உயர்ந்து, ஒரு பவுன் ரூ.1 லட்சத்து 12,480க்கும் விற்பனையானது. வெள்ளி விலை கிராமுக்கு ரூ.5 குறைந்து ஒரு கிராம் ரூ.270க்கும், கிலோவுக்கு ரூ.5 ஆயிரம் குறைந்து, பார் வெள்ளி ரூ.2.70 லட்சத்துக்கும் விற்பனையானது.

இந்த நிலையில் நேற்று மாலையில் தங்கம் விலையில் திடீரென மாற்றம் காணப்பட்டது. அதாவது, நேற்று மாலை தங்கம் விலை கிராமுக்கு ரூ.110 குறைந்து ஒரு கிராம் ரூ.13,950க்கும், பவுனுக்கு ரூ.880 குறைந்து ஒரு பவுன் ரூ.1 லட்சத்து 11,600க்கும் விற்கப்பட்டது. மாலையில் வெள்ளி விலையில் எந்தவித மாற்றமும் ஏற்படவில்லை. தங்கம் விலை காலையில் அதிகரித்து, மாலையில் குறைந்தது நகை வாங்குவோருக்கு சற்று ஆறுதலை அளித்தது.