சிட்னி: ஆஸ்திரேலிய ஓபன் பேட்மிண்டன் போட்டியின் பெண்கள் ஒற்றையர் பிரிவு அரையிறுதி ஆட்டத்தில் இந்தியாவின் பி.வி. சிந்து அதிர்ச்சி தோல்வி அடைந்தார். ஆஸ்திரேலிய ஓபன் பேட்மிண்டன் போட்டி தலைநகர் சிட்னியில் நடந்து வருகிறது. பெண்கள் ஒற்றையர் பிரிவு அரையிறுதி சுற்றுக்கு இந்தியாவின் பி.வி.சிந்து தகுதி பெற்றிருந்தார். இந்த அரையிறுதி ஆட்டத்தில் அவர் ஜப்பானின் அகானே யமாகுச்சியை எதிர்த்து விளையாடினார்.
தொடக்கம் முதலே இருவரும் சிறப்பாக விளையாடினர். இதனால் இந்த ஆட்டம் ரசிகர்களுக்கு விருந்தாக அமைந்தது. எனினும் பரபரப்பான இந்த ஆட்டத்தில் சிறப்பாகி விளையாடி ஆதிக்கம் செலுத்தி யமாகுச்சி 22-20, 21-12 என்ற செட் கணக்கில் வென்று இறுதிப்போட்டிக்கு முன்னேறினார். பி.வி. சிந்து தோல்வி அடைந்து தொடரில் இருந்து வெளியேறினார்.
