சென்னை: சென்னையில் ஆபரணத் தங்கத்தின் விலை சவரனுக்கு ரூ.2,400 குறைந்து ரூ.1,08,000க்கு விற்பனை செய்யப்படுகிறது. சர்வதேச சந்தையில் நிலவி வரும் அரசியல் மாற்றங்கள், எப்போதும் தங்கம் விலையில் எதிரொலிப்பது வழக்கம். அந்த வகையில், அமெரிக்கா மற்றும் ஈரான் நாடுகளுக்கு இடையே சமாதான ஒப்பந்தம் ஏற்படப் போவதாக வெளியாகியுள்ள தகவல்கள், உலகப் பொருளாதாரத்தை புதிய பாதையில் தள்ளியுள்ளது. இதனால் தங்கம் விலை தொடர்ந்து ஏற்றம், இறக்கத்துடன் காணப்பட்டு வருகிறது.
அதாவது நேற்றைய முன்தினம் தினம் தங்கம் விலை கிராமுக்கு ரூ.130 உயர்ந்து ஒரு கிராம் ரூ.14,200க்கும், பவுனுக்கு ரூ.1,040 உயர்ந்து ஒரு பவுன் ரூ.1 லட்சத்து 13,600க்கும் விற்றது. அதே நேரத்தில் வெள்ளி விலையில் நேற்று முன்தினம் 4வது நாளாக மாற்றம் எதுவும் ஏற்படவில்லை. ஒரு கிராம் வெள்ளி ரூ.270க்கும், பார் வெள்ளி ரூ.2.70 லட்சத்துக்கும் விற்பனையானது.
இதனையடுத்து நேற்று சென்னையில் தங்கம் விலை அதிரடியாக குறைந்தது. ஒரு கிராமுக்கு ரூ.400 குறைந்து, ஒரு கிராம் ரூ.13,800க்கும், பவுனுக்கு ரூ.3,200 குறைந்து, ஒரு பவுன் ரூ.1,10,400க்கும் விற்பனை செய்யப்பட்டது. சென்னையில் வெள்ளி விலை கிராமுக்கு 10 ரூபாய் குறைந்து ரூ.260 விற்பனையானது.
இந்த நிலையில், இன்று சென்னையில் ஆபரணத் தங்கத்தின் விலை சவரனுக்கு ரூ.2,400 குறைந்து ரூ.1,08,000க்கு விற்பனை செய்யப்படுகிறது. ஆபரணத் தங்கம் கிராமுக்கு ரூ.300 குறைந்து ரூ.13,500க்கு விற்பனை செய்யப்படுகிறது. சென்னையில் சில்லறை வர்த்தகத்தில் வெள்ளி விலை மாற்றமின்றி ஒரு கிராம் ரூ.260க்கு விற்பனையாகிறது.
