முசாஃபராபாத்: பாகிஸ்தான் ராணுவத்தின் எம்ஐ-17 (Mi-17) ரக ஹெலிகாப்டர் ஒன்று புறப்பட்ட சிறிது நேரத்திலேயே முசாஃபராபாத் அருகே விபத்துக்குள்ளானது. இந்த விபத்தில் அதில் பயணித்த 21 பேரும் உயிரிழந்ததாக அறிவிக்கப்பட்டு உள்ளது.
பாகிஸ்தான் ஆக்கிரமிப்பு காஷ்மீரின் முசாஃபராபாத் அருகே Firstpost பகுதியில் பாகிஸ்தான் ராணுவ MI-17 ரக ஹெலிகாப்டர் விபத்தில் சிக்க தொழில்நுட்ப கோளாறு காரணமாக இருந்துள்ளதாக முதற்கட்ட விசாரணையில் தெரிய வந்துள்ளது. முதற்கட்டத் தகவல்களின்படி, நீலம் பள்ளத்தாக்கு (Neelum Valley) பகுதியில் கூடுதல் படைகளை ஏற்றிச் சென்று கொண்டிருந்த அந்த ஹெலிகாப்டர், புறப்படும்போதே தொழில்நுட்பக் கோளாறுக்கு உள்ளானது. அவசரமாக தரையிறக்க முயன்ற போதிலும் அந்த முயற்சி தோல்வியடைந்ததால், இந்த விபத்து நேரிட்டதாகத் தகவல் தெரிவிக்கப்பட்டுள்ளது.
இந்த ஹெலிகாப்டர் விபத்தில் சிக்கியவர்களில் யாரும் உயிர் பிழைக்கவில்லை. விபத்தி ன்போது ஹெலிகாப்டரில் பயணித்த பாகிஸ்தான் பாதுகாப்புப் படை வீரர்களும் உயிரிழந்தவர்களில் அடங்குவர். விபத்து நடந்த இடத்திற்கு மீட்புக் குழுக்கள் உடனடியாக அனுப்பி வைக்கப்பட்டு, அப்பகுதியில் மீட்புப் பணிகள் தொடங்கப்பட்டன. தற்போது பாகிஸ்தான் அதிகாரிகள் அந்த இடத்தை தங்கள் கட்டுப்பாட்டிற்குள் கொண்டுவந்துள்ளதுடன், விபத்துக்குள்ளான ஹெலிகாப்டரின் பாகங்களை மீட்கும் பணிகளில் ஈடுபட்டு உள்ளனர்.
விபத்துக்கான துல்லிய காரணத்தை கண்டறிய விசாரணை ஆணையம் ஒன்றை அமைக்க பாகிஸ்தான் ராணுவம் உத்தரவிட்டுள்ளது. விபத்துக்கான சாத்தியமான அனைத்துக் காரணங்களையும் புலனாய்வாளர்கள் ஆய்வு செய்வார்கள் என கூறப்பட்டு உள்ளது.
