சென்னை: சென்னையில் ஆபரணத் தங்கத்தின் விலை சவரனுக்கு இன்று ஒரேநாளில் ரூ.3,200 குறைந்து ரூ.1,10,400க்கு விற்பனையாகிறது. ஒரு கிராம் தங்கம் ரூ.13,800க்கு விற்பனை செய்யப்படுகிறது. சென்னையில் வெள்ளி விலை கிராமுக்கு 10 ரூபாய் குறைந்து ரூ.260 விற்பனையாகிறது. சர்வதேச சந்தையில் நிலவி வரும் அரசியல் மாற்றங்கள், எப்போதும் தங்கம் விலையில் எதிரொலிப்பது வழக்கம்.
அந்த வகையில், அமெரிக்கா மற்றும் ஈரான் நாடுகளுக்கு இடையே சமாதான ஒப்பந்தம் ஏற்படப் போவதாக வெளியாகியுள்ள தகவல்கள், உலகப் பொருளாதாரத்தை புதிய பாதையில் தள்ளியுள்ளது. இதனால் தங்கம் விலை தொடர்ந்து ஏற்றம், இறக்கத்துடன் காணப்பட்டு வருகிறது.
நேற்றைய தினம் தங்கம் விலை கிராமுக்கு ரூ.130 உயர்ந்து ஒரு கிராம் ரூ.14,200க்கும், பவுனுக்கு ரூ.1,040 உயர்ந்து ஒரு பவுன் ரூ.1 லட்சத்து 13,600க்கும் விற்பனையானது. சென்னையில் வெள்ளி விலை ஒரு கிராம் ரூ.270க்கு விற்பனையானது. வெள்ளி விலையில் நேற்று 4வது நாளாக மாற்றம் எதுவும் ஏற்படவில்லை. ஆனால் இன்று வெள்ளி விலை கிராமுக்கு 10 ரூபாய் குறைந்து ரூ.260 விற்பனையாகிறது.
