சென்னை: தனியார் பள்ளி கல்வி கட்டணங்களை அறிவிப்பு பலகையில் வெளியிடும் உத்தரவுக்கு தடை விதிக்க சென்னை உயர்நீதிமன்றம் மறுப்பு தெரிவித்துள்ளது. கல்விக்கட்டணம் என்பது கருப்புப் பணம் அல்ல வெளிப்படையாக வாங்குகிறீர்கள் என்பதால் அதன் விவரங்களை சொல்லலாம். தகவல் உரிமைச் சட்டத்தில் விலக்களிக்கும் பிரிவில் கூட, பொதுநலன் சார்ந்த விவரங்களை வெளியிட வேண்டும். கட்டண விகிதங்களை வெளியிட மறுக்க முடியாது என்று நீதிபதி எம்.தண்டபாணி கூறியுள்ளார்.