சென்னை: இளையராஜா பிறந்த நாளையொட்டி ‘அன்னக்கிளியில் தொடங்கி சிம்பொனி வரையிலான ‘ராஜாவின் ராஜாங்கம் தொடரட்டும்’ என திமுக தலைவர் மு.க.ஸ்டாலின் வாழ்த்து தெரிவித்துள்ளார். இதுகுறித்து அவர் தனது எக்ஸ் தளத்தில் பதிவிட்டிருப்பதாவது: இசையால் நம்மை என்றென்றும் ஆளும் இசைஞானிக்கு பிறந்த நாள் வாழ்த்துகள்.

தலைவர் கலைஞர் மீது கொண்ட மதிப்பின் காரணமாக தனது பிறந்த நாளையே ஒரு நாள் முன்னதாக மாற்றிக் கொண்டவர். ‘இசைஞானி’ என்று தலைவர் கலைஞர் பட்டம் சூட்டினார். அன்னக்கிளியில் தொடங்கி சிம்பொனி வரையிலான ராஜாவின் ராஜாங்கம் தொடரட்டும். ராஜா என்றும் ராஜாதான். இவ்வாறு அதில் குறிப்பிடப்பட்டுள்ளது.