சென்னை: பெட்ரோல் மற்றும் டீசல் விலை 6 வது முறையாக உயர்த்தப்பட்டது. இன்று சென்னையில் பெட்ரோலுக்கு 33 பைசாவும், டீசலுக்கு 32 பைசாவும் உயர்ந்து விற்பனை செய்யப்படுகிறது. கச்சா எண்ணெய் விலை உயர்வின் எதிரொலியாக நமது நாட்டில் பெட்ரோல், டீசல் மற்றும் சி.என்.ஜி விலையானது உயர்வை சந்தித்து வருகிறது.
அதன் அடிப்படையில் இன்றைய பெட்ரோல் விலை லிட்டருக்கு ரூ.108.01 ஆகவும், டீசல் விலை லிட்டருக்கு ரூ.99.78 ஆகவும் நிர்ணயம், மற்றும் சிஎன்ஜி காஸ் விலை கிலோ கிராம் ரூ.95.00 ஆக நிர்ணயம் செய்யப்பட்டுள்ளது. அத்தியாவசிய பொருட்களில் ஒன்றாக பார்க்கப்படுகிற எரிபொருள் விலையானது நாளுக்கு நாள் உயர்ந்து வருகிறது.
மேலும், பெட்ரோல் மற்றும் டீசல் விலை உயர்ந்து வருவதால் வாகன ஓட்டிகள் கவலை அடைந்து வருகின்றனர். இதனிடையே பெட்ரோல், டீசலுக்கு நிகராக சி.என்.ஜி விலையும் உயர்ந்து வருகிறது. சென்னையில் சி.ன்.ஜி விலையானது ரூ.3.50 உயர்ந்து ஒரு கிலோ ரூ. 95க்கு விற்பனை செய்யப்படுகிறது.
