முதல்வர் விஜய்க்கு அன்புநிறை வாழ்த்துகளையும், ஆலோசனைகளையும் வழங்கினேன் – மு.க.ஸ்டாலின்

சென்னை: தமிழகத்தின் புதிய முதல்வராக பொறுப்பேற்று கொண்டுள்ள விஜய், இன்று தலைமை செயலகத்தில் இருந்து புறப்பட்டு நேராக முன்னாள் முதல்வர் மு.க.ஸ்டாலின் வீட்டிற்கு சென்றார். அங்கு அவரை உதயநிதி ஸ்டாலின் மற்றும் மு.க.ஸ்டாலின் ஆகியோர் ஆரத்தழுவி வரவேற்று வீட்டிற்குள் அழைத்து சென்று உபசரித்தனர். அவர்களிடம் தமிழக முதல்வராக பொறுப்பேற்றதற்கு விஜய் வாழ்த்துக்களை பெற்றார். இந்த நிலையில் முதல்வர் விஜய் தனது வீடு தேடி வந்தது குறித்து எக்ஸ் தளத்தில் மு.க.ஸ்டாலின் பதிவிட்டு உள்ளார்.

“மாண்புமிகு தமிழ்நாடு முதலமைச்சராகப் பொறுப்பேற்றுள்ள திரு.விஜய் அவர்கள் அரசியல் நாகரிகத்துடன் என்னைச் சந்தித்து வாழ்த்து பெற்றார். அவருக்கு என் அன்புநிறை வாழ்த்துகளையும், ஆலோசனைகளையும் வழங்கினேன்” என்று மு.க.ஸ்டாலின் தனது அதிகாரபூர்வ் எக்ஸ் பக்கத்தில் போஸ்ட் செய்து உள்ளார்.

இதனிடைய மு.க.ஸ்டாலினை தொடர்ந்து மதிமுக பொதுச்செயலாளர் வைகோ, பாமக தலைவர் அன்புமணி ராமதாஸ் போன்ற மூத்த அரசியல் தலைவர்களையும் நேரில் சென்று சந்தித்து வாழ்த்து பெற்றார் முதல்வர் விஜய்.