பெய்ஜிங்: அமெரிக்க அதிபர் டொனால்ட் டிரம்ப மே 13 முதல் 15 வரை மூன்று நாள்கள் அரசு முறைப் பயணம் சீனா செல்கிறார். வர்த்தகம், பாதுகாப்பு, சர்வதேச விவகாரங்கள் குறித்து பேச அதிபர் ஜி ஜின்பிங் அழைப்பை ஏற்று அரசுமுறைப் பயணமாக அமெரிக்கா அதிபர் டிரம்ப், சீனா செல்கிறார். இந்த சந்திப்பின்போது டிரம்ப், சீன அதிபர் ஜி ஜின்பிங்குடன் பேச்சுவார்த்தை நடத்தவுள்ளார். சீன அதிபர் ஜி ஜின்பிங்கின் அழைப்பின் பேரில், அவர் சீனாவுக்கு வருகை தர உள்ளதாக சீன வெளியுறவு அமைச்சக செய்தித் தொடர்பாளர் அறிவித்தார். கிட்டத்தட்ட ஒன்பது ஆண்டுகளுக்கு பின் அமெரிக்க அதிபர் சீனாவுக்கு பயணம் மேற்கொள்ளவுள்ளார்.

நீடித்த அமெரிக்க-இஸ்ரேல் ஈரான் போர், ஹோர்முஸ் நீரிணை முற்றுகைவினால் ஏற்பட்டுள்ள உலகளாவிய ஏரிசக்தி நெருக்கடி மற்றும் தைவான் உள்ளிட்ட பல்வேறு பிரச்சினைகள் தொடர்பாக இரு நாடுகளுக்கும் இடையே அதிகரித்து வரும் பதற்றங்களுக்கு மத்தியில் இந்தப் பயணம் நடைபெறுகிறது. டிரம்பின் இந்த சுற்றுப்பயணத்தின்போது, நாடுகளுக்கு இடையே வர்த்தக ஒப்பந்தம் ஏற்படும் என்ற எதிர்பார்ப்பு நிலவி வருகிறது. அத்துடன், பொருளாதாரம் மற்றும் வர்த்தகப் பிரச்சினைகள் குறித்து இரு தலைவர்களும் விவாதிப்பார்கள் என சீன வெளியுறவு அமைச்சகம் தெரிவித்துள்ளது.