சென்னை: முதல்வர் மு.க.ஸ்டாலினுடன் திமுக, காங்கிரஸ், கொமதேக வேட்பாளர்கள் இன்று சந்தித்து பேசினர். தமிழ்நாடு முதல்வர் திமுக தலைவர் மு.க.ஸ்டாலினை இன்று சென்னை அண்ணா அறிவாலயத்தில் உள்ள திமுக தலைமை அலுவலகத்தில், கட்சிவேட்பாளர்கள் மு.பெ.சாமிநாதன், சாக்கோட்டை அன்பழகன், மடத்துக்குளம் ஜெயராமகிருஷ்ணன், தாராபுரம் டாக்டர் இந்திராணி, வீரபாண்டி டாக்டர் ஆ.கா.தருண் மற்றும் காங்கிரஸ் கட்சியின் வேட்பாளரும் தமிழ்நாடு காங்கிரஸ் கட்சித் தலைவருமான கு.செல்வப்பெருந்தகை, கொங்குநாடு மக்கள் தேசிய கட்சியின் வேட்பாளர்களான அக்கட்சி பொதுச்செயலாளர் ஈ.ஆர்.ஈஸ்வரன், நித்தியானந்தம் ஆகியோர் நேரில் சந்தித்தனர். அப்போது திமுக துணை பொதுச்செயலாளர்கள் ஆ.ராசா எம்.பி, மு.பெ.சாமிநாதன், அமைப்பு செயலாளர் ஆர்.எஸ்.பாரதி, செய்தித் தொடர்பு தலைவர் டி.கே.எஸ்.இளங்கோவன், தகவல் தொழில்நுட்ப அணி செயலாளர் டி.ஆர்.பி.ராஜா ஆகியோர் உடனிருந்தனர்.