திருப்பரங்குன்றம் தொகுதியில் வளர்ச்சிப் பணிகள் தொடரும்: அதிமுக வேட்பாளர் விவி.ராஜன் செல்லப்பா பேச்சு

திருப்பரங்குன்றம், ஏப். 22: திருப்பரங்குன்றம் தொகுதியில் அதிமுக சார்பில் போட்டியிடும் வேட்பாளர் விவி.ராஜன் செல்லப்பா எம்எல்ஏ நேற்று தனது இறுதிக்கட்ட பிரசாரத்தை மேற்கொண்டார். இதன்படி விரகனூர் ரவுண்டானா, ஐராவதநல்லூர், சிந்தாமணி, அனுப்பானடி, வில்லாபுரம், அவனியாபுரம், கைத்தறி நகர், நிலையூர், ஹார்விபட்டி, திருநகர், திருப்பரங்குன்றம் உள்ளிட்ட இடங்களில், பொதுமக்களை சந்தித்து, இரட்டை இலை சின்னத்திற்கு தீவிரமாக வாக்கு சேகரித்தார். அவரை அதிமுக மற்றும் கூட்டணி கட்சியினர், மாலை அணிவித்தும், வேல் கொடுத்தும் உற்சாகமாக வரவேற்றனர்.