கொள்ளிடம் அருகே பிரித்தியங்கிரா கோயிலில் நிகும்பல யாகம்

கொள்ளிடம், ஏப்.18:கொள்ளிடம் அருகே மேலவல்லம் கிராமத்தில் மிகவும் பழமை வாய்ந்தபிரத்தியங்கிரா கோயில் உள்ளது. இக்கோயிலில் சித்திரை மாதம் அமாவாசை மற்றும் தமிழ் வருட பிறப்பை முன்னிட்டு சிறப்பு நிகும்பல யாகம் நேற்று இரவு நடைபெற்றது. விழாவை முன்னிட்டு அம்மனுக்கு சிறப்பு அபிஷேகம் செய்யப்பட்டது. அதனை தொடர்ந்து பரிவார தெய்வங்களுக்கு சிறப்பு அபிஷேக ஆராதனைகள் நடைபெற்றது. பின்னர் ஆலயத்திற்கு முன்புற உள்ள யாக குண்டத்தில் நிகும்பலா யாகம் நடைபெற்றது.

மூட்டை மூட்டையாக மிளகாய் மற்றும் பல்வேறு நறுமண பொருட்கள்யாக குண்டத்தில் இடப்பட்டது. தொடர்ந்து யாக குண்டத்தில் வைத்து பூஜிக்கப்பட்ட புனித நீரைக்கொண்டு பிரத்தியங்கிரா தேவிக்கு சிறப்பு அபிஷேகம் மற்றும் அலங்காரம் செய்யப்பட்டது. விழாவில் உள்ளூர் மற்றும் வெளியூர்களிலிருந்தும் வந்து ஏராளமான பக்தர்கள் கலந்து கொண்டனர். விழாவிற்கான ஏற்பாடுகளை ஆலய அறங்காவலர் பொன்பாரிவள்ளல்,மற்றும் விழாா குழுவினர் சார்பில் செய்திருந்தனர்.