மயிலாடுதுறையில் காங். வேட்பாளர் ஜமால்முகமது யூனுஸ் கொளுத்தும் வெயிலில் வாக்கு சேகரிப்பு

மயிலாடுதுறை, ஏப்.18: மயிலாடுதுறை சட்டமன்ற தொகுதி காங்கிரஸ் வேட்பாளர் ஜமால் முகமது யூனுஸ் கொளுத்தும் வெயிலில் தீவிர வாக்கசேகரிப்பில் ஈடுபட்டார். மயிலாடுதுறை சட்டசபை தொகுதி திமுக தலைமையிலான கூட்டணி கட்சியின் காங். வேட்பாளர் ஜமால் முகமது யூனுஸ், நேற்று மயிலாடுதுறை திமுக வடக்கு ஒன்றியத்திற்கு உட்பட்ட பகுதிகளில் பொதுமக்களிடம் கை சின்னத்தில் ஓட்டு கேட்டு கொளுத்தும் வெயிலிலும் பிரச்சாரத்தில் ஈடுபட்டார்.

சேத்தூர், தலைஞாயிறு, இளந்தோப்பு, பட்டவர்த்தி, கடுவங்குடி, குறிச்சி, சித்தமல்லி, கடக்கம், வரதம்பட்டு, மேலாநல்லூர், வில்லியநல்லூர் மற்றும் அதனை சுற்றியுள்ள பகுதிகளில் தீவிர ஓட்டு சேகரிப்பில் ஈடுபட்டார். அப்போது கிராம பொதுமக்கள், வேட்பாளருக்கு ஆதரவு தெரிவித்து கை சின்னத்தில் வாக்களிப்பதாக கூறினர்.

திமுக வடக்கு ஒன்றிய செயலர் இளையபெருமாள், முன்னாள் மாவட்ட கவுன்சிலர் சுரேஷ், காங். மாவட்ட தலைவர் பானுசேகர், தேர்தல் பணிக்குழு உறுப்பினர்கள் வயலூர் ராமநாதன், லோகநாதன், முன்னாள் ஒன்றிய கவுன்சிலர் வடவீரபாண்டியன், காங். நகர செயலர் ராமானுஜம் மற்றும் திமுக, கம்யூ., மதிமுக, விசிக, தேமுதிக, மக்கள் நீதி மய்யம் உள்ளிட்ட கூட்டணி கட்சி நிர்வாகிகள் தொண்டர்கள் திரளாக கலந்து கொண்டு ஓட்டு சேகரிப்பு பணியில் ஈடுபட்டனர்.