கோவை வடக்கு சட்டமன்ற தொகுதியில் பாஜ வேட்பாளர் வானதி சீனிவாசனுக்கு ஆதரவாக அக்கட்சியின் முன்னாள் தலைவர் அண்ணாமலை நேற்று பிரசாரம் செய்தார். அப்போது அவர் நிருபர்களிடம் கூறியதாவது: தமிழகம் முழுவதும் ஜனநாயகன் திரைப்படம் வெப்சைட்டில் வெளியானது எங்களுக்கும் வருத்தம் அளிக்கிறது. அது போஸ்ட் புரடக்சன் ஸ்டூடியோ. அவர்கள் எல்லாம் அதற்கு உத்தரவாதம் தரவேண்டும். வந்தது 3, 4 நிமிட பட வீடியோ.

சிலர் முழு படமும் வந்திருப்பதாக சொல்கிறார்கள். நான் தேர்தலுக்கு பின் எப்போது ரிலீஸ் செய்தாலும் ஜனநாயகன் படத்தை சினிமா தியேட்டர் சென்று பார்ப்பேன். தவெக ஆதவ் அர்ஜூனா தேவையின்றி ஒன்றிய இணை அமைச்சர் எல்.முருகன் பெயரை எல்லாம் இழுக்கிறார். பொதுமக்கள் யாரும் இந்த மாதிரி ஜனநாயகன் படத்தை பார்க்காதீங்க. யாராவது அனுப்பினால் பார்க்காம விட்டுருங்க. இது பல பேரின் உழைப்பு. சினிமா கம்பெனியின் முதலீடு.

இதை நாங்கள் கண்டிக்கின்றோம். ஜனநாயகன் படம் ரிலீஸ் ஆகும் பொழுது ஒரு ரசிகனாக நான் சென்று அந்தப் படத்தை தியேட்டரில் பார்ப்பேன். அரசியல் லாபத்திற்காக பாஜவை இழுக்காதீங்க, பாஜ இந்தியாவில் எத்தனை இடத்தில் அரசியல் செய்கிறது. ஏதாவது சினிமா படத்தை நாம பண்றமா, அதுக்கும் எங்களுக்கும் என்ன கன்ட்ரோல் இருக்குது. தேவையின்றி ஆதவ் அர்ஜூனா மற்றும் அந்த கட்சியினர் சோசியல் மீடியாக்களில் சொல்லும் கருத்துக்களை நான் கண்டிக்கிறேன். ஜனநாயகன் படம் லீக் ஆனது தொடர்பாக சிபிஐ விசாரிக்க வேண்டும். இவ்வாறு அவர் கூறினார்.