சென்னை: தங்கம் விலை நேற்று பவுனுக்கு ரூ.1600 குறைந்தது. இதே போல வெள்ளியும் கிலோவுக்கு ரூ.5 ஆயிரம் சரிந்தது. தங்கம் விலை கடந்த ஒரு மாதத்திற்கும் மேலாக ஏறுவதும், இறங்குவதுமான நிலையில் இருந்து வருகிறது. அந்த வகையில் கடந்த 7ம் தேதி தங்கம் விலை பவுனுக்கு ரூ.1040 குறைந்தது. மறுநாளான நேற்று முன்தினம் மீண்டும் தங்கம் விலை உயர்ந்தது.

அன்றைய தினம் தங்கம் விலை கிராமுக்கு ரூ.340 உயர்ந்து, ஒரு கிராம் ரூ.14,200-க்கும், பவுனுக்கு ரூ.2,720 உயர்ந்து, ஒரு பவுன் ரூ.1 லட்சத்து 13,600க்கும் விற்பனையானது. இதே போல வெள்ளியும் உயர்ந்தது. வெள்ளி விலை கிராமுக்கு ரூ.10 உயர்ந்து, ஒரு கிராம் வெள்ளி ரூ.265க்கும், கிலோவுக்கு ரூ.10 ஆயிரம் உயர்ந்து, பார் வெள்ளி ரூ.2.65 லட்சத்துக்கும் விற்பனையானது. இந்த நிலையில் நேற்று தங்கம் விலை அதிரடியாக குறைந்தது.

அதாவது தங்கம் விலை கிராமுக்கு ரூ.200 குறைந்து, ஒரு கிராம் ரூ.14,000க்கும், பவுனுக்கு ரூ.1,600 குறைந்து, ஒரு பவுன் ரூ.1 லட்சத்து 12,000-க்கும் விற்க்கப்பட்டது. தங்கத்தை போல வெள்ளி விலையும் நேற்று குறைந்தது. வெள்ளி விலை கிராமுக்கு ரூ.5 குறைந்து, ஒரு கிராம் ரூ.260க்கும், கிலோவுக்கு ரூ.5 ஆயிரம் குறைந்து, பார் வெள்ளி ரூ.2.60 லட்சத்துக்கும் விற்பனையானது. தங்கம் விலை அதிகரிப்பதும், குறைவதுமான போக்கு நகை வாங்குவோர் இடையே சற்று கலக்கத்தை ஏற்படுத்தியுள்ளது.