அதிமுக முன்னாள் அமைச்சர் செல்லூர் ராஜூ, மதுரையில் நேற்று நிருபர்களிடம் கூறுகையில், ‘‘நாங்கள் மட்டும் பாஜவுடன் கூட்டணி வைத்தால் கசக்கிறதா? நாங்கள் பாஜவுடன் தான் கூட்டணி வைத்துள்ளோம். பாகிஸ்தானுடனா கூட்டணி வைத்துள்ளோம். அதிமுக ஆட்சியில் சிறுபான்மையினர்கள், இந்துக்கள் கிறிஸ்தவர்கள் என அனைத்து மதத்திற்கும் தேவையானவற்றை செய்து கொடுத்து இருக்கிறோம். இந்தியன் 2 படத்திற்கு விளம்பரம் கொடுத்தனர்.

ஆனால் படம் என்ன ஆனது? விளம்பரம் இல்லாத தாய்க்கிழவி படம் பட்டைய கிளப்புகிறது, நன்றாக ஓடுகிறது. இந்த தேர்தலில் இந்தியா கூட்டணிக்கும், அதிமுக தலைமையிலான தேசிய ஜனநாயக கூட்டணிக்கும் இடையே தான் போட்டி. மற்றவர்களைப் பற்றி நாங்கள் கவலைப்பட போவதில்லை’’ என்றார்.