மதுரை: மதுரை மத்திய தொகுதியில் போட்டியிடும் இயக்குநர் சுந்தர் சி-யிடம் ரூ.47 கோடி சொத்துகள் இருப்பதாக வேட்புமனுவில் தகவல் தெரிவிக்கப்பட்டுள்ளது. தன்னிடம் 220 கிராம் தங்கமும் தன் மனைவி குஷ்புவிடம் 3.55 கிலோ தங்கமும் இருப்பதாக சுந்தர் சி குறிப்பிட்டுள்ளார். சுந்தர் சி மனைவி குஷ்புக்கு செங்கல்பட்டு, காஞ்சிபுரம், விழுப்புரம், கோவை மாவட்டங்களில் வேளாண் சாராத நிலங்கள் உள்ளன. சென்னை மற்றும் உதகையில் குஷ்பு பெயரில் பங்களாக்கள் உள்ளதாக சுந்தர். சி வேட்புமனுவில் தகவல் தெரிவிக்கப்பட்டுள்ளது. சுந்தர் சி-யிடம் ரூ.50 ஆயிரமும், குஷ்புவிடம் ரூ.30 ஆயிரமும் ரொக்கமாக கையிருப்பில் உள்ளதாக கூறப்படுகிறது.