சென்னை, ஏப்.3: சென்னை மாவட்டத்தில் நேற்று வேட்பு மனுத்தாக்கல் நடந்தது. சேப்பாக்கம்- திருவல்லிக்கேணி தொகுதியில் திமுக வேட்பாளர் உதயநிதி ஸ்டாலின் உட்பட 6 பேரும், ஆர்.கே.நகர் தொகுதியில் திமுக வேட்பாளர் உட்பட 9 பேரும், பெரம்பூர் தொகுதியில் பாமக உட்பட 8 பேரும், கொளத்தூரில் 3 பேரும், வில்லிவாக்கத்தில் 2 பேர், திரு.வி.நகர் தனி தொகுதியில் அதிமுக சார்பில் 3 பேர், எழும்பூர் தனி தொகுதியில் 2 பேர், ராயபுரம் அதிமுக சார்பில் ஜெயக்குமார் உட்பட 6 பேரும், துறைமுகம் தொகுதியில் 3 பேரும், ஆயிரம் விளக்கு தொகுதியில் 2 பேரும், அண்ணாநகர் தொகுதியில் 4 பேரும், விருகம்பாக்கம் தொகுதியில் 4 பேரும், சைதாப்பேட்டை தொகுதியில் அமமுக உட்பட 3 பேரும், தியாகராயநகர் தொகுதியில் 5 பேரும், மயிலாப்பூர் தொகுதியில் 1 நபரும், வேளச்சேரி தொகுதியில் 6 பேர் என மொத்தம் 67 பேர் நேற்று வேட்புமனு தாக்கல் செய்துள்ளனர்.