டெல்லி: தமிழ்த் திரைப்பட தயாரிப்பாளர் சங்கத் தலைவர் ஜி.கே.எம்.தமிழ்க்குமரன் காங்கிரஸ் கட்சியில் இணைந்தார். டெல்லியில் காங்கிரஸ் தலைவர் மல்லிகார்ஜுன கார்கே, கே.சி.வேணுகோபால் முன்னிலையில் காங்கிரஸில் இணைந்தார். திமுக கூட்டணியில் காங்கிரசுக்கு பென்னாகரம் ஒதுக்கப்பட்டால் தமிழ்க்குமரன் வேட்பாளராக களமிறங்க திட்டமிடப்பட்டது. தமிழ்க்குமரனின் தந்தை ஜி.கே.மணி தற்போது பென்னாகரம் தொகுதி எம்.எல்.ஏ.வாக இருந்து வருகிறார்.

டெல்லியில் முகாமிட்டுள்ள தமிழ்க்குமரன் காங்கிரஸ் தேசிய தலைவர் மல்லிகார்ஜுன கார்கே, காங்கிரஸ் முன்னாள் தலைவர் ராகுல் காந்தி ஆகியோரை சந்தித்து காங்கிரஸ் கட்சியில் இணைந்தார். பாமக ராமதாஸ் அணியின் இளைஞரணி தலைவராக இருந்து வரும் தமிழ்க்குமரன் தற்போது காங்கிரஸில் இணைந்துள்ளார் என்ற தகவல் பெரும் பரபரப்பை ஏற்படுத்தியுள்ளது. ஜி.கே.எம். தமிழ்க்குமரன் லைகா திரைப்பட தயாரிப்பு நிறுவனத்தில் தலைமை செயல் அதிகாரியாக இருந்து வருகிறார்.