சென்னை: சென்னையில் ஒரே நாளில் 5 சட்டமன்ற தொகுதிகளில் நாளை தவெக தலைவர் விஜய் வாகன பிரசாரம் செய்கிறார். நாளை காலை 10 மணிக்கு பெரம்பூர் தொகுதிக்குட்பட்ட எம்.ஆர்.கே. நகரில் பரப்புரையை தொடங்குகிறார். தொடர்ந்து, நண்பகல் 1 மணிக்கு கொளத்தூர், 2 மணிக்கு வில்லிவாக்கம், 3 மணிக்கு அண்ணா நகர், 4 மணிக்கு விருகம்பாக்கம் என வாகன பரப்புரைக்கு திட்டமிடப்பட்டுள்ளது.
கொளத்தூர் தொகுதியில் அதிமுகவில் இருந்து தவெகவுக்கு தாவிய வி.எஸ்.பாபு, வில்லிவாக்கம் தொகுதியில் ஆதவ் அர்ஜுனா, அண்ணா நகர் தொகுதியில் ராம்குமார், விருகம்பாக்கம் தொகுதியில் சபரிநாதன் ஆகியோர் போட்டியிட வாய்ப்புள்ளது எனவும் அவர்களை ஆதரித்து விஜய் பரப்புரையில் ஈடுபடுவார் எனவும் தவெகவினர் தெரிவிக்கின்றனர்.
