சென்னை: தங்கம் விலை வார இறுதி நாளான நேற்று பவுனுக்கு ரூ.1,120 குறைந்தது. வெள்ளியும் கிலோவுக்கு ரூ.10 ஆயிரம் சரிந்தது. தங்கம் விலை கடந்த ஒரு மாதமாக தொடர்ந்து ஏற்றம், இறக்கத்துடன் இருந்து வருகிறது. வார தொடக்க நாளான கடந்த 9ம் தேதி தங்கம் விலை ஒரு பவுன் ரூ.1 லட்சத்து 19,600க்கு விற்பனையானது. தொடர்ந்து 10ம் தேதி ஒரு பவுன் ரூ.1 லட்சத்து 20,400 ஆகவும், 11ம் தேதி ஒரு பவுன் ரூ.1 லட்சத்து 20,960 என விலை உயர்ந்தது. தொடர்ந்து கடந்த 12ம் தேதி தங்கம் விலை அதிரடியாக பவுனுக்கு ரூ.1,200 குறைந்து ஒரு பவுன் 1 லட்சத்து 19,760க்கு விற்பனையானது.

நேற்று முன்தினம் பவுனுக்கு ரூ.560 குறைந்து ஒரு பவுன் ரூ.1 லட்சத்து 19,200க்கு விற்றது. இந்நிலையில், வார கடைசி நாளான நேற்றும் தங்கம் விலை மேலும் குறைந்தது. அதாவது, நேற்று கிராமுக்கு ரூ.140 குறைந்து ஒரு கிராம் ரூ.14,760க்கும், பவுனுக்கு ரூ.1,120க்கு குறைந்து ஒரு பவுன் ரூ.1 லட்சத்து 18,080க்கும் விற்றது. தங்கத்தை போல வெள்ளி விலையும் நேற்று அதிரடியாக குறைந்தது. வெள்ளி விலை கிராமுக்கு ரூ.10 குறைந்து, ஒரு கிராம் ரூ.280க்கும், கிலோவுக்கு ரூ.10 ஆயிரம் குறைந்து பார் வெள்ளி ரூ.2.80 லட்சம் ஆகவும் விற்பனையானது.