சென்னை: சென்னையில் ஆபரணத் தங்கம் விலை சவரனுக்கு ரூ.800 உயர்ந்து ஒரு சவரன் ரூ.1,20,400க்கு விற்பனை செய்யப்படுகிறது. ஆபரணத் தங்கத்தின் விலை கிராமுக்கு ரூ.800 உயர்ந்து ரூ.15,050க்கு விற்பனையாகிறது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.10 உயர்ந்து ஒரு கிராம் ரூ.300க்கும், ஒரு கிலோ ரூ.3 லட்சத்திற்கும் விற்பனை செய்யப்படுகிறது.
தங்கம் விலை கடந்த ஒரு மாதமாக ஏற்றம், இறக்கத்துடன் காணப்பட்டு வருகிறது. இதன் ஒரு பகுதியாக கடந்த 28ம் தேதி மற்றும் மார்ச் 1ம் தேதி என 2 நாட்களில் மட்டும் தங்கம் விலை பவுனுக்கு ரூ.7,000 வரை உயர்ந்தது. ஈரான் மீது அமெரிக்கா, இஸ்ரேல் நடத்திய தாக்குதலே இந்த விலை உயர்வுக்கு காரணமாக கூறப்பட்டது. மேலும் விலை உயரும் என்று எதிர்பார்க்கப்பட்டது.
இதையடுத்து கடந்த 2ம் தேதி முதல் தங்கம் விலை குறைய தொடங்கியது. தொடர்ந்து 5 நாட்களில் மட்டும் பவுனுக்கு ரூ.6 ஆயிரத்து 520 குறைந்து இருந்தது. இந்த விலை குறைவு என்பது நகை வாங்குவோருக்கு சற்று ஆறுதலை அளித்து இருந்தது. கடந்த சனிக்கிழமை தங்கம் விலை திடீரென அதிகரித்தது. அன்றைய தினம் பவுனுக்கு ரூ.720 உயர்ந்து ஒரு பவுன் ரூ.1 லட்சத்து 20,400க்கு விற்பனையானது.
நேற்று முன்தினம் ஞாயிற்றுக்கிழமை விடுமுறை தினம் என்பதால் தங்கம் விலையில் எந்தவித மாற்றமும் ஏற்படவில்லை. ஒரு நாள் விடுமுறைக்கு பிறகு நேற்று தங்கம் மார்க்கெட் தொடங்கியது. அதுவும் வார தொடக்க நாளான நேற்று தங்கம் விலை அதிரடியாக குறைந்தது.
அதாவது, கிராமுக்கு ரூ.100 குறைந்து ஒரு கிராம் ரூ.14,950க்கும், பவுனுக்கு ரூ.800 குறைந்து ஒரு பவுன் ரூ.1 லட்சத்து 19,600க்கும் விற்பனையானது. அதே நேரத்தில் வெள்ளி விலையில் எந்தவித மாற்றமும் ஏற்படவில்லை. ஒரு கிராம் வெள்ளி ரூ.290க்கும், பார் வெள்ளி 2 லட்சத்து 90 ஆயிரம் ரூபாய்க்கும் விற்பனையானது.
இந்நிலையில் இன்று தங்கம் விலை உயர்ந்தது. சென்னையில் ஆபரணத் தங்கம் விலை இன்று சவரனுக்கு ரூ.800 உயர்ந்து ஒரு சவரன் ரூ.1,20,400க்கு விற்பனை செய்யப்படுகிறது. ஆபரணத் தங்கத்தின் விலை கிராமுக்கு ரூ.800 உயர்ந்து ரூ.15,050க்கும், சில்லறை வர்த்தகத்தில் வெள்ளி விலை கிராமுக்கு ரூ.10 உயர்ந்து ஒரு கிராம் ரூ.300க்கும், ஒரு கிலோ ரூ.3 லட்சத்திற்கும் விற்பனை செய்யப்படுகிறது.
