தேவையானவை:

சேமியா – கால் கிலோ
உருளைக்கிழங்கு – 100 கிராம்
மைதா – 100 கிராம்
சோள மாவு – 50 கிராம்
அரிசி மாவு – 50 கிராம்
இஞ்சி-பூண்டு விழுது – 3 டீஸ்பூன்
மிளகாய்த் தூள் – 2 டேபிள் ஸ்பூன்
பொரிய வெங்காயம் – 1
குடை மிளகாய் – 1
வெங்காயத்தாள் – 1 கைப்பிடி
கறிவேப்பிலை – 1 கொத்து
உப்பு, எண்ணெய் – தேவைக்கேற்ப

செய்முறை:

சேமியாவை தனியாக வேகவைத்துக் கொள்ளவும். உருளைக்கிழங்கை வேகவைத்து மசிக்கவும். வெங்காயம், குடை மிளகாய், கறிவேப்பிலையை பொடியாக நறுக்கவும். வேக வைத்த சேமியா, உருளைக்கிழங்குடன் உப்பு, மிளகாய்த்தூள், இஞ்சி-பூண்டு விழுது சேர்த்து பிசைந்து சிறு சிறு உருண்டைகளாக உருட்டவும். மைதா, அரிசி மாவு, சோள மாவுடன் உப்பு, தண்ணீர் சேர்த்து பஜ்ஜி மாவு பதத்தில் கரைக்கவும். உருட்டி வைத்துள்ள உருண்டைகளை மாவில் முக்கி சூடான எண்ணெயில் பொரிக்கவும். மற்றொரு கடாயில் எண்ணெய் சேர்த்து, பொடியாக நறுக்கிய வெங்காயம், குடை மிளகாய், கறிவேப்பிலை சேர்த்து வதக்கி, உப்பு சேர்த்து பொரித்த உருண்டைகளை போட்டு நன்கு பிரட்டி, வெங்காயத்தாள் சேர்த்து இறக்கி சூடாகப் பரிமாறவும்.