தேசிய ஜனநாயக கூட்டணி சார்பில் பிரசார பொதுக்கூட்டம் நாளை (மார்ச் 1) மாலை, மதுரை மண்டேலா நகர் பகுதியில் நடக்கிறது. இதில், பிரதமர் மோடி, அதிமுக பொதுச்செயலாளர் எடப்பாடி பழனிசாமி உள்ளிட்ட கூட்டணி கட்சியினர் பங்கேற்று பேசுகின்றனர். இந்நிகழ்வில் பங்கேற்பதற்காக பிரதமர் மோடி நாளை பிற்பகல் 2.45 மணிக்கு மதுரை விமான நிலையம் வருகிறார்.

மதுரை விமான நிலைய வளாகத்தில் சுமார் 3 ஆயிரம் பேர் மட்டும் பங்கேற்கும் வகையிலான நிகழ்ச்சிகளில் பல்வேறு அரசு திட்டப்பணிகளை பிரதமர் மோடி துவக்கி வைக்கிறார். இந்நிகழ்ச்சியை முடித்துவிட்டு மாலை 3.55 மணிக்கு திருப்பரங்குன்றம் சுப்பிரமணியசுவாமி கோயிலுக்கு வரும் பிரதமர் மோடி மாலை 4 மணி முதல் 4.15 மணி வரை சாமி தரிசனம் செய்கிறார்.