சென்னை: சென்னையில் தங்கம் விலை சவரனுக்கு ரூ.160 குறைந்து சவரன் ரூ.1,19,200க்கு விற்பனை செய்யப்படுகிறது. சர்​வ​தேச பொருளாதார மற்றும் அரசியல் சூழல், அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு அதிகரிப்பு, உலக பங்குச் சந்தை முதலீடுகள் உள்ளிட்டவற்றின் அடிப்படை​யில், தங்கத்தின் விலை நிர்ணயிக்கப்படுகிறது.உலக அளவில் தங்கத்தை இறக்குமதி செய்யும் நாடுகளில் இந்தியா முன்னணியில் உள்ளது. இந்தச் சூழலில், கடந்த சில நாட்களாகவே தங்கம் விலை உயர்ந்தும் குறைந்தும் வரு​கிறது. உலக நாடுகளுக்கு இடையிலான வர்த்தக ரீதியான உறவு இதற்கு முக்கிய காரணம் என துறை சார்ந்த வல்லுநர்கள் கருத்து தெரிவித்துள்ளனர்.

நேற்று முன்தினம் சென்னையில் ஆபரணத் தங்கத்தின் விலை சவரனுக்கு ரூ.320 உயர்ந்து சவரன் ரூ.1,19,440க்கு விற்பனையானது. ஆபரணத் தங்கத்தின் விலை கிராமுக்கு ரூ.40 உயர்ந்து ரூ.14,930க்கு விற்பனையானது. சென்னையில் சில்லறை வர்த்தகத்தில் நேற்று முன்தினம் ஒரு கிராம் வெள்ளி விலை ரூ.5 உயர்ந்து ரூ.295க்கு விற்கப்பட்டது.

சென்னையில் நேற்று ஆபரணத் தங்கம் விலை சவரனுக்கு ரூ.80 குறைந்து ஒரு சவரன் ரூ.1,19,360க்கு விற்பனையானது. ஆபரணத் தங்கத்தின் விலை கிராமுக்கு ரூ.10 குறைந்து ரூ. 14,920க்கு விற்பனையானது. சென்னையில் நேற்று வெள்ளி விலை மாற்றமின்றி ஒரு கிராம் ரூ.295க்கும் ஒரு கிலோ வெள்ளி ரூ.2,95,000க்கும் விற்கப்பட்டது.

தொடர்ச்சியாக இன்று ஆபரணத் தங்கத்தின் விலை கிராமுக்கு ரூ.20 குறைந்து ரூ.14,900க்கு விற்பனை செய்யப்படுகிறது. சென்னையில் தங்கம் விலை சவரனுக்கு ரூ.160 குறைந்து சவரன் ரூ.1,19,200க்கு விற்பனையாகிறது. சென்னையில் சில்லறை வர்த்தகத்தில் வெள்ளி விலை கிராமுக்கு விலை மாற்றமின்றி ரூ.295க்கு விற்பனை செய்யப்படுகிறது. தங்கம் மீண்டும் தொடர்ந்து அதிகரிக்க தொடங்கியுள்ளதால் நகை வாங்குவோரை கலக்கமடைய செய்துள்ளது.