சென்னை: ஆதவ் அர்ஜுனாவின் மாமியார் லீமா ரோஸுக்கு அதிமுகவில் முக்கிய பதவி வழங்கப்பட்டுள்ளது. இதுகுறித்து அதிமுக பொதுச்செயலாளர் எடப்பாடி பழனிசாமி நேற்று வெளியிட்டுள்ள அறிவிப்பில், ‘‘அதிமுக மகளிர் அணி இணைச் செயலாளர் பொறுப்பில் லீமா ரோஸ் நியமிக்கப்படுகிறார்.

அதிமுக தொண்டர்கள் இவருக்கு முழு ஒத்துழைப்பு வழங்க வேண்டும்’’ என கூறியுள்ளார். லீமா ரோஸ் ஐஜேகே-வில் இருந்து விலகி கடந்த வாரம் அதிமுகவில் இணைந்தார். இவர், தவெக கட்சியின் தேர்தல் பிரசார மேலாண்மை பொதுச்செயலாளராக உள்ள ஆதவ் அர்ஜுனாவின் மாமியார் என்பது குறிப்பிடத்தக்கது.