கோவை: இளைஞரணியின் எழுச்சியை பார்க்கும்போது வெஸ்ட்லயும் திமுகதான் பெஸ்ட் என்பதை காட்டுகிறது என கோவை கருமத்தம்பட்டியில் திமுக இளைஞரணி மேற்கு மண்டல நிர்வாகிகள் சந்திப்பு கூட்டத்தில் துணை முதல்வர் உதயநிதி உரையாற்றினார். மேலும் ‘தமிழ்நாட்டின் முதலமைச்சர், துணை முதல்வரை தந்தது இளைஞரணிதான். இளைஞரணியின் எழுச்சியை பார்க்கும்போது வெஸ்ட்லயும் திமுகதான் பெஸ்ட் என்பதை காட்டுகிறது. மக்கள் நலனுக்காக தொடர்ந்து களத்தில் நிற்பது இளைஞரணிதான். ஆட்சி, அரசியல் என இந்தியாவுக்கே முதலமைச்சர் மு.க.ஸ்டாலின் வழிகாட்டியாக இருக்கிறார். இந்திய அளவில் பாஜகவுக்கு எதிரான ஜனநாயக போரை முதல்வர் தலைமையில் நடத்த பலரும் கூறுகின்றனர்’ எனவும் உரையாற்றினார்.