புதுடெல்லி: வாக்காளர் பட்டியலின் சிறப்பு தீவிர திருத்தம் செயல்முறைக்கு பின், குஜராத், லட்சத்தீவு மற்றும் புதுச்சேரியில் வாக்காளர் எண்ணிக்கையானது சுமார் 68லட்சம் நீக்கப்பட்டுள்ளதாக தேர்தல் ஆணைய தரவுகள் தெரிவிக்கின்றன. வாக்காளர் பட்டியலின் சிறப்பு தீவிர திருத்தம் செயல்முறைக்கு பின், குஜராத், லட்சத்தீவு மற்றும் புதுச்சேரியில் சமீபத்தில் இறுதி வாக்காளர் பட்டியல் வெளியிடப்பட்டது. வாக்காளர் சிறப்பு தீவிர செயல்முறைக்கு முன்னதாக குஜராத் மற்றும் லட்சத்தீவு, புதுச்சேரி ஆகிய இரண்டு யூனியன் பிரதேசங்களிலும் சேர்த்து ஒருங்கிணைந்த வாக்காளர் எண்ணிக்கை 5.19கோடியாக இருந்தது. இறுதி பட்டியல் வெளியிடப்பட்ட பிறகு வாக்காளர் எண்ணிக்கையானது 4.50 கோடியாக குறைந்துள்ளது. மொத்தம் 68.12லட்சம் வாக்காளர்கள் நீக்கப்பட்டுள்ளனர். லட்சத்தீவில் 206 வாக்காளர்கள் நீக்கப்பட்டுள்ளனர். புதுச்சேரியில் 10.21லட்சமாக இருந்த வாக்காளர் எண்ணிக்கையானது சிறப்பு தீவிர திருத்தத்துக்கு பின் 9.44லட்சமாக குறைந்துள்ளது. இதேபோல் குஜராத்தில் 5.06கோடியாக இருந்த வாக்காளர்கள் எண்ணிக்கையானது 4.40கோடியாகி உள்ளது.