சென்னை: இந்தியா – அமெரிக்கா வர்த்தக ஒப்பந்தம் இறுதியாகவில்லை என்பதையே கூட்டறிக்கை காட்டுகிறது என ப.சிதம்பரம் தெரிவித்துள்ளார். இருதரப்பு வர்த்தக ஒப்பந்தம் இறுதியாகவில்லை என்பது கூட்டறிக்கையில் தெளிவாக தெரிகிறது. இது ஒரு இடைக்கால ஒப்பந்தம் கூட அல்ல; இடைக்கால ஒப்பந்தத்துக்கான கட்டமைப்பு மட்டுமே . இடைக்கால ஒப்பந்தத்துக்கான கட்டமைப்பு எப்படி கொண்டாட்டத்துக்கான விஷயமாக இருக்க முடியம் என கேள்வி எழுப்பினர்.

கூட்டறிக்கையில் உள்ள அம்சங்கள் அமெரிக்காவுக்கு சாதகமாகவே உள்ளது என ப. சிதம்பரம் குற்றச்சாட்டு எழுப்பினர். அமெரிக்க பொருட்களுக்கு இந்தியா வரி விலக்கு அல்லது வரி குறைப்பு செய்யும் என கூட்டறிக்கையில் உள்ளது. ஆனால், இந்திய இறக்குமதி பொருட்களுக்கு அமெரிக்கா 18% சதவீதம் வரி விதிப்பு என்று கூட்டறிக்கையில் உள்ளது. இடைக்கால ஒப்பந்தம் வெற்றிகரமாக முடிவடைந்தால் மட்டுமே அமெரிக்கா வரியை நீக்கும் என்றும் உள்ளது. சில விமானங்கள், விமான உதிரி பாகங்களை தவிர எஃகு, அலுமினியம், காப்பர் மீதான அமெரிக்கா வரி தொடரும் என கூட்டறிக்கையில் கூறப்பட்டுள்ளது.