திருத்துறைப்பூண்டி தாலுகா அலுவலக முன்பு: கிராம உதவியாளர்கள் காத்திருப்பு போராட்டம்

திருத்துறைப்பூண்டி,பிப்.4: திருத்துறைப்பூண்டி தாலுகா அலுவலகம் முன்பு கிராம உதவியாளர் சங்கத்தினர் காத்திருப்பு போராட்டத்தில் ஈடுபட்டனர். தமிழ்நாடு வருவாய்த்துறை கிராம உதவியாளர் சங்கம் மாநில மைய முடிவின்படி திருவாரூர் மாவட்டம் திருத்துறைப்பூண்டி வட்ட கிளையில் சார்பில் தாலுகா அலுவலகம் முன்பு காத்திருப்பு போராட்டம் நடைபெற்றது.

தமிழ்நாடு வருவாய் துறை கிராம உதவியாளர் சங்கம் சார்பாக திருத்துறைப்பூண்டி வட்ட கிளையில் மாவட்ட தலைவர் முத்துவேல் தலைமையில் மாநில செயற்குழு உறுப்பினர் பாலமுருகன் முன்னிலையில் வட்ட செயலாளர் அரவிந்தன் வரவேற்றார், வட்ட தலைவர் பாலசுந்தர் விளக்கவுரையாற்றினார், வட்ட துணை தலைவர் முத்து உள்ளிட்ட நிர்வாகிகள் கலந்து கொண்டனர்.