டெல்லி: ஜனநாயகன் பட தணிக்கை சான்று விவகாரத்தில் உச்சநீதிமன்றத்தில் சென்சார் போர்டு கேவியட் மனு தாக்கல் செய்துள்ளது. விஜய், பூஜா ஹெக்டே மமிதா பைஜு நடித்துள்ள ‘ஜனநாயகன்’ படத்தின் சென்சார் பிரச்சனையால் பொங்கலுக்கு ரிலீஸ் ஆகாமல் படம் தள்ளிப்போய் இருக்கிறது. இதனிடையே ஜனநாயகன் படத்துக்கு யு/ஏ தணிக்கை சான்று வழங்கிய தனி நீதிபதி உத்தரவை அண்மையில் ஐகோர்ட் ரத்து செய்தது. ஜனநாயகன் பட தணிக்கை சான்று வழக்கை மீண்டும் விசாரித்து உத்தரவு வழங்க தனி நீதிபதிக்கு ஐகோர்ட் அமர்வு உத்தரவிட்டிருந்தது.

ஜனநாயகன் வழக்கை மீண்டும் விசாரிக்க தனி நீதிபதிக்கு உத்தரவிட்ட நிலையில் சென்சார் போர்டு கேவியட் மனு தாக்கல் செய்துள்ளது. ஜனநாயகன் பட விவகாரம் தொடர்பாக தயாரிப்பு நிறுவனம் உச்ச நீதிமன்றத்தை நாடலாம் என்பதால் கேவியட் மனு தாக்கல் செய்துள்ளது. படக்குழு மேல்முறையீடு செய்தால் தங்கள் தரப்பை கேட்காமல் எந்த உத்தரவும் பிறப்பிக்கக் கூடாது என்று கூறி மனு தாக்கல் செய்துள்ளது.